أربعون عاما على الحرب الثالثة
الزمان 5 يونيو 2007، المكان قطعة أرض في مصر ـ مساحتها 40 مترـ لم يحتلها العدو الإسرائيلي، بس طبعا احتلها الانجليز يجي 99 سنة، وفي الذكري الأربعين لنكسة 5 يونيو تعالوا نشوف حالنا أصبح ازاي وناخد الموضوع واحدة واحدة، أولا إسرائيل احتلت كامل الأرض الفلسطينية وهضبة الجولان السورية وشبه جزيرة سيناء المصرية.
بالنسبة لمصر إسرائيل طلعت من سيناء بعد حرب 1973، والآن بتخش طابا بالبطاقة الشخصية، ولحد الآن ما زالت محتلة منطقة أم الرشراش المصرية وسمتها "ميناء إيلات" الإسرائيلي، حيث تم احتلالها في 10 مارس 1949.
أما سوريا، فإسرائيل ما زالت محتلة هضبة الجولان السورية.
وأخيرا فلسطين "الغالية" ما زالت محتلة حتى وقتنا الحالي، واللي أصبحت الآن حالها بيقطع قلوبنا من كتر ما الواحد بيشوف من جرائم تنتهك في حق شعبها.
يعني بعد أربعين سنة الحال هو الحال الاحتلال مازال قائم وإسرائيل زي ما هيا "متبتة" في الأراضي اللي احتلتها وعمرها ما هتطلع منها عشان الحال العربي لا ينبأ بأي جديد.
والصور الآتية لو عملنا ليها تعديل وخليناها ألوان بدل ما هي أبيض وأسود هنلقيها صورة طبقة الأصل من اللي بيحصل في الوقت الحالي يا خسارة وميت خسارة علي حالنا.
وفي الآخر غموه عشان يحسسوه أنه في إسرائيل اللي في الأساس منطقة عربية
هناك ٨ تعليقات:
داليا.. رائع يا كريم البوست جميل فعلاً وكل سنة وأنت طيب
هايل يا كريم كتاباتك تقدمت كثيرا - تمنياتي بدوام التوفيق
يا ابني بتفكرني ليه باللي احنا فيه، والله يا أخ كوريم احنا زهقنا من المرار اللي عايشينه وإسرائيل المحتلة مسيطرة سيطرة كاملة على كل شيء له علاقة بينا. ربنا يخلصنا منها قريب
قول آمين
أمين يا هالة
السلام عليكم
تسألت هنا
عن طريقة عمل اللينكات
كلمة السر فى الموضوع هى باختصار شديد السويتش ماكس
من اسهل البرامج التى تتيح عمل
ملفات فلاشية لاى رابط تريدة ومن الممكن استعمال ملفات مفتوحة جاهزة واجراء تعديل بسيط عليها
مواقع جديرة بالزيارة
سويتشات
فلاشيات
ترايدنت
ويوجد مدونة عربية جميلة اسمها
تعليم
يوجد بها دروس قيمة لكيفية التعامل مع البلوجر بنوعية القديم والجديد
وايضا روابط لاهم المواقع التى تقدم
تيمبليت جاهزة مجانية
او هنا
وتحياتى على العرض الشيق لهذة المناسبة التى يجب ان نستخلص منها العبر والدروس وليس فقط لطم الخدود واهالة التراب على تضحيات اجيال كاملة فى سبيل ان نحيا بكرامةنستحقها وشرف بذلنا فى سبيلة كل غالى ونفيس
حلو الموضوع أوي يا كريم وكل سنة وانت طيب والسنين الجاية إن شاء الله تكون كل البلاد المحتلة تنال استقلالهاإن شاء الله ولو إن (أهو ده اللى مش ممكن أبداً) بس أهو يا سيدي طولت العمر تبلغ الأمل واختيارك للصور موفق جدا يا كريم , دائما كتابات أحسن ومواضيع أحسن إن شاء الله يا كريم
للاسف الوضع فى مصر و فى الدول العربيه بقى يحزن اوى
بوست هايل يا كريم
إرسال تعليق